Selasa, 11 Oktober 2016

Professor 26 hetan formasaun kona ba materia Biologia husi Sr. David John ho Sr. robert Sharwood


Maliana -  Professor hamutuk rua nulu resin neen (26) ne’ebé hanorin materia biologia iha eskola Católica Diocese Maliana hetan formasaun husi Sr. David ne’ebé hanesan Acting Assistant Principal of Pastoral Care Atmackillop College iha Canbera no Sr.Dr. Robert Sharwood hanesan Investigator of the ARC Center of excellence for Translation Photosynthesis at Australian National University. Atividade ne’e hala’o durante loron rua (2) iha salaun SCJ Maliana, quarta (27/09/2016).
Objetivu husi formasaun ne’e maka atu eksplora maneira no hanoin ne’ebé foun kona ba siensia naturais, tamba ne’e makla hamosu idea husi programa ne hanaran prosesu husi dezenu (proses by design), katak atu halo promosaun kona ba hanoin ne’ebé independente, fornese treinamentu kona ba utilizasaun ekipamentu siénsia nian no fo mos treinamentu kona ba rekursu iha parte edukasaun.
Sr. David hateten katak formasaun durante loron rua professor sira aprende kona ba prosesu Fotossintese, Sistema Respiratório, Sistema Circulatório, DNA, Oinsa atu Sukat Volume de Bé, pratika uza Microcópio atu bele hare sélula iha miscroscópio laran no professor sira akompaña diak tebes, sira iha pergunta barak mai ami kona ba materia ne’ebé maka ami hanorin, sira iha ideia ne’ebé maka diak no hakarak tebes atu pratika iha aspeitu oi – oin  no envolve an iha programa hirak ne’e.
“Durante iha formasaun professor sira aprende kona ba prosesu Fotossintese, Sistema Respiratório, Sistema Circulatório, DNA, Oinsa atu Sukat Volume de Bé, pratika uza Microcópio atu bele hare sélula iha miscroscópio laran no professor sira akompaña diak tebes, sira tenta atu husu saida mak ami hanorin no sira hakarak tebes atu pratika iha aspetu barak no hakarak atu envolve aan iha programa ida ne’e, sira iha idea ne’ebé maka diak, tamba ne’e ha’u sente formasaun ne’e importante tebes atu responde ba starategia hotu kona ba kontestu hanorin liu husi dalan bar-barak,” dehan David.
Nia mos hatutan tan katak formasaun ne’e importante ba mestri Timor oan sira, hanesan oportunidade ba rekursu no uza skill oinsa atu hanorin no pratika iha sala laran i Nia antusiazmu tebes no hakarak ajuda professor sira hamutuk iha classe ida atu dezemvolve sira nia skill nune’e bele hanorin diak liu tan iha sala laran.
“Formasaun ne’e importante ba mestri Timor oan sira, ne’e hanesan oportunidade ba rekursu no uza skills atu hanorin no pratika iha sala laran, ha’u sente entusiasmo tebes no ha’u hakarak professor sira hanorin diak liu tan, maibe ha’u presiza ajuda sira iha classe laran atu dezemvolve sira nia skill nune’e  iha rekursu ne’ebé diak hodi hanorin iha klasse laran” David afirma.
Iha fatin hanesan Dr. Robert mos hateten katak  durante iha formasaun ne’e sira esplika kona ba konseptu ba prosesu fotossintese, koalia mos importansia fotossintese ba ema hotu iha mundu no importante mos iha Timor – Leste tamba aihan no aihoris, sira presija loron matan atu produz fotossintese, e sira mos fahe hanoin ba mestri sira atu eduka labarik sira iha timor – leste ba futuru  ho diak.
“Materia ne’ebé ami fahe durante loron rua maka ami esplika kona ba konseptu ba processu fotossintese,  koalia mos importansia fotossintese ba ema hotu iha mundo, no importante mos iha Timor Leste tamba aihan no aihoris ne’e presija loron matan atu produz nia fotosintese, ami mos  fahe hanoin  ba mestre sira ne’ebé aduca alunos sira, atu educa labarik iha timor leste ba futuro ho  diak tamba ne’e Professor sira hetan esperiensia foun ne’ebé hanorin husi matenek nain Sr. David  no iha diferente level ida ne’ebé Iha combinasaun bar-barak no Hanoin ida ne’e diak tebes” hateten Robert.
Nia hateten tan katak durante iha formasaun loron rua sira la hasoru  difikuldade maibe tempu ba sira mak la to’o, tamba sira hakarak akompana mestri sira iha sala laran atu hare sira hanorin maibe ida ne’ e la realiza tamba tempu mak la to’o.
“Ami la hasoru difikuldade, maibe tempu mak limitado tebes ba ami. ami hakarak por ezemplu ami tama iha sala laran no hare mestre sira hanorin iha sala laran, observa no fo suporta ba sira. Maibe ami la halo ida ne’e tamba tempu mak la too mai ami” dehan Robert.
Ideia husi professor durante tuir formasaun
Tuir professor  Virginia Maia dos Santos hanesan professora Biologia husi Escola Secundária Ave Maria Suai (ESCAM), ne’ebé hanorin 10.ano – 20.  haktuir katak formasaun ne’e halo ami sente kontente tamba durante ne’e ami hanorin deit no la iha pratika, maibe ho formasaun ida ne’e ami hetan pratika husi sr. david ho sr. Robert, tamba ne’e ho formasaun ne’e bele dezemvolve materia ne’ebé mak iha sai diak liu tan
“Ho formasaun ne’e halo ami sente kontente, tamba materia ne’ebé mak durante ami hanorin iha ami nia eskola la iha pratika, maibe wainhira ami tuir formasaun Sr. David ho Dr. Robert hanorin ami halo pratika, ho ida ne’e halo ami bele dezemvolve materia ne’ebé mak iha sai diak liu tan. iha formasaun ne’e ami aprende kona ba materia Sistema Respiratorio, Fotossintese, Sistema Circulatorio, depois kona ba DNA. Materia sira ne’e la foun mai ami,maibe tamba agora ho pratika entaun ami sente hanesan materia sira ne’e foun mai ami” hateten professor Virginia.
Professora ne’e mos hatutan tan katak Nia sei aplika fila fali saida mak nia aprende durante loron rua ba Nia alunos sira, atu sira bele aprende ho di’ak liu tan.
Iha mos professor ida ho naran Antonio Guterres, professor da Biologia, husi Ensino Secundário IHMS Tibar, ne’ebé hanorin 10. ano – 30. ano secundario hatete katak iha formasau loron rua ne’e sira hetan informasaun foun, aumenta tan sira nia kapasidade atu aplika materia sira ne’e iha sala laran, tamba  iha materia balu ne’ebé mak sira seidauk hetan. Liu husi formasaun ida ne’e mos bele haklean liu tan liliu iha parte pratika no didatika kona ba hanorin ou estrategia hanorin, dala barak estrategia ne’e sira hetan ona maibe difikuldade maka fasilidades balu laiha, pratika seluk ne’ebé sira hetan maka kona ba Vulcanicu no oinsa maka bele fahe continente sira ne’e
“Durante ami tuir fomasaun loron rua nia laran ami hetan esperiensia foun, aumenta tan ami nia kapasidade atu aplika materia sira ne’e iha sala laran, tamba durante ne’e materia balu maka ami seidauk hetan, tamba ne’e liu husi formasaun loron rua ne’e bele haklean liu tan liliu kona ba pratika no didatika hanorin ou estrategia hanorin, dala barak estrategia ne’e ami hetan maibe difikuldade mai ami maka fasilidadaes balu laiha, pratika seluk ne’ebé ami hetan maka kona ba Vulcanicu no oinsa maka bele fahe continente sira ne’e” dehan Professor Antonio.
Professor ne’e mos hatutan tan katak wainhira fila husi fatin ne’e sira sei implementa materia hirak ne’ebé maka sira hetan iha formasaun nia laran hodi  hanorin alunos sira, liliu kona ba materia pratika, tamba materia pratika ne’ebé maka sira hetan husi Dr.Robert ho Sr.David ne’e simples tebes no bele halo alunos sira iha konhesimentu klean liu tan kona ba materia hirak ne’e. 















Tidak ada komentar:

Posting Komentar