Senin, 18 Juli 2016

Funsionario FSCJ hala’o primeiru avaliasaun servisu ho prezidente FSCJ iha Same


Funsionario Fundasaun hala'o hela encontro avaliasaun servisus iha salaun Paroquial Same 

Same -  Atu hala’o servisu ne’ebé maka diak iha instituisaun ida nia laran presiza servisu hamutuk, komprende ida-idak nia servisu iha instituisaun ne’e rasik, missaun no Vizaun ida de’it no iha planu ne’ebé maka hanesan lao ho balansu maka bele atinje instituisaun ida nia mehi iha futuru. Instituisaun ne’ebé diak klaru tenki iha sistema manajementu ne’ebé diak, tamba manajementu diak implika ba kontinuasaun no dezemvolvimentu instituisaun, ho ida ne’e maka funsionario tomak husi FSCJ hala’o primeiru avaliasaun servisu iha Same durante loron haat (4), quarta (12/07/2015).
Objetivu husi primeiro enkontru ida ne’e maka atu komprende diak liu tan ida-idak nia servisu iha instituisau FSCJ nia laran, missaun ida deit no iha planu ne’ebé maka hanesan lao ho balansu no importante liu  maka sees ona husi obstakulu ne’ebé maka durante ne satan hela servisu iha Fundação Sagrado Coração de Jesus (FCSJ).
Prezidente FSCJ Pe. Natalino hateten katak durante atividade loron haat, iha observasaun ba funsionario balu ne’ebé maka visioner katak nia aprende maibe depois nia la pratiku maibe iha ema balu ne’ebé visioner no pratiku katak aprende no sempre dedika nia ann hodi servisu ho fuan ho laran.
“Durante iha ita nia atividade loron haat nia laran Ha’u hakarak hatete katak Iha ema balu ne’e visioner depois nia la pratiku ida, maibe ita koko atu hatur ita nia an hanesan ema visioner  e pratiku. ema visioner sempre hanoin dook e ema pratiku sempre dedika nia an hodi servico ho fuan no laran tomak” hateten Pe. Natalino.
Nia hateten ekontru ida ne’e hanesan momentu diak ida atu bele fahe no kuu matenek ho ita ida-idak nia nia esperiensia ne’ebé mak ita iha, rrezumu husi avaliasaun ne’e maka hahu husi loron primeiru too agora la iha ema ida maka dehan labele maibe ema hotu iha kapasidade no iha matenek, dalaruma ema balu mak la iha korazem no ema sira ne’e presiza ema seluk nia korazem atu tukun sira iha sira nia servisu.
“Enkontro ida ne’e hanesan momentu ne’ebé ita atu fahe no kuu matenek ho esperiensia tomak ne’ebé ita ida-idak iha no iha situasaun ne’ebé ita hamutuk dezde loron primeiro too agora Ha’u halo rezumu katak ita iha kondisoens tolu ne’ebé maka ita enfrenta hanesan la iha ema ida maka labele, ema hotu-hotu iha kapasidade maibe balu la iha korazem e depois balu presiza ema seluk nia korazem, iha balu seluk maka ema balu lakohi halo nia sai ema bele, entre kondisaun hirak ne’e ita iha parte kondisaun ida ne’ebé? depois de imi praktiku durante ne’e maka buat sira ne’e hotu atu dehan katak kondisaun ne’ebé maka ita dehan ita labele, ita hakat liu afinal ita bele” dehan Prezidente FSCJ.
Lider ne’e hatutan liu tan katak nu’udar ekipa ida ita mai hamutuk atu  bele la’o iha mehi ida, mehi ne’ebé maka oinsa iha futuru fscj bele harii edukasaun katolika iha diocese maliana, bele atinji formasaun edukativu ida ne’ebé livre no pozitivu tamba ne’e maka ita nia komprimisiu, dedikasaun no sensieridade sei lori FSCJ ba mehi ida ne’e.
“Nu'udar  ekipa ita  mai hamutuk para ita lao iha mehi ida. ita nia mehi mak oinsa atu to'o loron ida ita bele hare katak edukasaun katolika iha ita nia diocese bele atinji formasaun edukativu ida nebe livre no pozitivu. ita nia compromissu  no dedikasaun  ho sensieredade tomak mak sei lori too ba mehi nee.
Ita lubuk oan ida nee mak tenke halo istoria e istoria nee ita hakerek dadaun ona, hahu husi momentu ida ne’e ba oin ita ida-idak tama iha vizaun ida deit hodi hakerek istoria ne’e, ita tenki halo istoria no ita hahu dadauk istoria ne’e, ita lebele foti liman antes to’o nia rohan, labele para, ita tenki kontinua, ne’eduni labele hola parte iha kondisaun ne’ebé lakoi halo, ha’u nia esperiensia hakarak dehan buat ida katak se ita halo buat hotu ho domin ita sei bele atinji buat hotu,  tamba mehi ida ne’ebé ita hotu tau hanesan vida ba  ita nia moris mak servisu ba diak umanidade nian iha parte edukasaun” afirma prezidente.
Ikus liu Prezindente Pe. Natalino dehan katak servisu nain ida tenki iha fuan independente ba ita nia fuan ida ne’ebé encoraza ita atu buka maneira oinsa e buka maneira ne’ebé bele fasilita ita nia servisu tomak hodi alkansa ita nia mehi iha futuru, tamba ne’e maka hahu agora ba oin ita sei lao iha sistema de servisu ne’ebé bele tulun ita sai professional liu tan iha servisu lor-loron nian,
ita nia professionalizmu tenki hatudu iha lalaok maturidade de serviso, ita hotu ne’ebé servisu iha fundasaun no hakruk ba Sistema tomak tenki kapasita an neneik e bebeik para bele hakat liu desorganizada vida comum iha ita nia Rain.

Liafuan badak husi Amo Paroko Same ba Funsionario FSCJ Tomak


Amo paroko Same Pe. Sabino Gama hato’o lia menon ba funsionario FSCJ tomak katak avaliasaun servisu ne’ebe maka halo husi prezidente FSCJ ba funsionario tomak ne’e hanesan primeiro esperiensia ba Nia, tamba sira rasik husi Diocese Dili atividade hanesan ne’e la iha, e Pe. Sabino hateten katak atividade hanesan FSCJ halo dadauk, ne’e sei sai sinal esperansa ne’ebe bo’ot ba FSCJ nian liu-liu ba Diocese Maliana.
“Tuir Ha'u nia hanoin kona ba staff fundasaun ne’ebé maka mai hala’o encontro ou avaliasaun iha ne’e, halo planu stratejiku ba oin, ba ha’u ida ne’e primeiro esperiensia tamba ami rasik iha Diocese Dili atividade hanesan ne’e sei la iha, neduni Buat foun no buat foun ne’ebé mak tuir ha’u nia hare ne’e sai sinal esperansa neebe bo’ot ba FSCJ liliu ba Diocese Maliana” Dehan Pe. Sabino.
Nia dehan husi atividade ne’e sei sai lisaun ba Diocese sira seluk, tamba tuir Nia esperiensia katak atividade hanesan ne’e diocese Dili ho Baucau sei la iha,  tamba ne’e maka FSCJ hanesan ezemplu ida atu ema seluk bele banati tuir ezemplu ida ne’e.
“Atividade hanesan ne’e sei sai lisaun ba diocese sira seluk, tuir esperiensia ne’ebé ha’u hetene iha diocese Dili ho Baucau atividade hanesan ne’e sei la iha, tamba ne’e bainhira ha’u hare imi nia prezensa iha ne’e hanesan buat bot ida ne’ebé maka  ninia pezu ne’e  laos ba Diocese maliana de’it maibe liliu ba timor tomak, ne’eduni imi hanesan grupo ezemplar ida ba ema hotu, atu ema seluk bele banati tuir ezemplu ne'e”.
Pe. Sabino hatutan tan katak dalaruma iha NGO ho Governu balu barak mak halo atividade hanesan ne’e maibe sira menus iha buat ida mak seriedade katak sira rame- rame i iha ema barak maibe maibe wainhira halo atividade tuir planu sira sei la halo tuir atividade ne’ebe maka sira hala’o tiha ona. Tamba Amo dehan katak iha loron hat nia laran Nia hare funsionario FSCJ iha duni seriedade hodi hala’o atividade hirak ne’e.
“Babain ha’u hare sira husi NGO, sira bar-barak no husi Governu hala’o atividade hanesan ne’e maibe buat ne’ebé menus husi sira maka seriedade, tan ne’e ita hare rame-rame ema barak maibe bainhira halo atividade la tuir planu ne’ebé iha, loron hirak imi iha ne’e ha’u hare imi iha seriedade atu halao programa hirak ne’e. Seriedade ida ne’ebé maka halo imi hotu-hotu sériu atu hala’o programa sira ne’e tamba imi iha mehi ne’ebé hanesan, mehi ne’ebé hanesan ne’e maka atu harii FSCJ ne’ebé maka iha kualidade” Afirma Pe. Sabino.

Tidak ada komentar:

Posting Komentar