Jumat, 24 Juni 2016

ME Inagura eskola EBC. St.Agustinho Bobonaro


 Sua Excelencia Ministro da Edukasaun  Sr. Antonio tesi fita Akompnha ho Presidente Fundasaun Pe. Natalino
Bobonaro – Sua excelencia Ministério Edukasaun Sr.António da Conceição halo inagurasaun ba eskola foun ensinu baziku central (EBC) St. Agunstinho Bobonaro ne’ebé maka remata nia konstrusaun iha fulan kotuk, konstrusaun eskola ida ne’e hetan apoio finansial husi ministru edukasaun rasik, eskola foun ne’e iha sala de aula neen (6) no haris fatin rua ba feto no mane. Inagurasaun ne’e hala’o iha Bobonaro, sabadu (28/05/2016).
Ministerio Edukasaun António da Conceição iha nia diskursu hateten katak edukasaun importante ba labarik sira atu sira bele dezemvolve sira nia an i ha futuru, tamba ne’e  Nia dehan eskola ida ne’e sei sai diak liu tan wainhira ita rasik mak kuidadu.
“Edukasauun importante ba labarik sira atu sira bele dezemvolve sira nia an iha futuro oin mai, tamba ne’e maka  se ita hakarak escola ne’e sei sai  diak liu tan entaun ita rasik mak tenki kuidadu ha’u mos hato’o agradese ba diretor Ensino Secuncario St. Agustinho Bobonaro Pe. Pedro tamba bele dezemvolve escola ne’e ho dia’k no halo tuir duni nia comprimisso ne’ebe mak nia hatete katak eskola ne sei remata iha tinan ida ne, no iha tinan ida ne’e ita bele hare’e ona escola ne’e  nia rezultado” dehan ME Antonio Conceição.
Iha fatin hanesan Prezidente FSCJ Pe. Natalino VdS Gama ne’ebe iha kompetensia atu hare eskola katolika siha diocese maliana iha nia diskursu hateten katak edukasaun iha parte rua mak hanesan edukasaun formal no edukasaun non-formal. Tamba ne’e maka rua ne’e tenki iha balansu labele halo ida mak sai prioridade,
“Edukasaun ne’e ita bele fahe ba parte rua mak Edukasaun Formal ho Edukasaun Non-Formal. edukasaun formal katak edukasaun ne’ebe hetan transferensia husi Profesor ba Estudante sira ou edukasaun ne’ebe mak labarik sira aprende/hetan iha eskola husi professores sira, no  edukasaun non-formal katak edukasaun ne’ebe mai husi valor da vida ou edukasaun ne’ebe mak labarik sira hetan husi Aman/Inan, tamba ne’e mak edukasaun rua ne’e tenki lao ho balanso, labele fo todan deit ba Professor sira maibe Inan/aman mos tenki hanorin sira nia oan rasik” dehan Pe. Natalino.
Prezidente FSCJ ne’e mos hatutan tan katak FSCJ sei la taka matan ba eskola Católika sira hotu ne’ebé maka hamahan an iha Fundação nia okos no sei ajuda mos atu dezemvolve eskola sira ne’e hotu.
Iha mos liafuan barak husi director Ensino Secundaria Catolica St. Agustinho Pe. Pedro, hato’o  Nia Bemvindo no agradese ba Governo liu husi Ministro Edukasaun bele ajuda hari’i edifisio eskola foun ba Alunu sira, Nia mos husu atu bele harii tan edifisio eskola foun ba Ensino Secundaria Católica, tamba fatin ne’ebe mak estudante sira uza hodi hala’o prosesu aprendijazem  agora dadauk komesa att ba dadauk ona.
Ikus liu seremonia inagurasaun ida ne’e iha mos atividade hanesan animasaun dansa tradisional husi estudante Ensino Baziku Sentral St. Agustinho no estudante husi escola Católica Hauba.



Tidak ada komentar:

Posting Komentar